美麗戰場｜林盛斌Bob入行20年望做劇集男主角 斥方力申擇偶要求高難介紹女仔

百足咁多爪的林盛斌（阿Bob）穿梭電影界及電視圈，近年營運娛樂製作公司、投資便利店及網購生意，於自家YouTube頻道分享生財之道，絕對是一位全能藝人。然而，阿Bob仍未心足，期望事業更上一層樓，「我拍電影試過擔正，但拍劇未試過做男主角，呢樣嘢係我to-do list之一！」

{{hket:inline-image name="MAL07374.jpg"}}{{/hket:inline-image}}

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

阿Bob不常拍劇，近日由葉念琛監製及編劇的台慶劇《美麗戰場》，他扮演癡情富豪，演出生鬼。與葉念琛再度合作，阿Bob感恩這位老拍檔，肯作大膽嘗試，「之前合作好多次，做過佢監製嘅電影《我要發達》男主角，今次拍《美》劇個角色好唔同，睇番playback，自覺演技上都有少少進步。」

{{hket:inline-image name="02_600.jpg"}}{{/hket:inline-image}}

阿Bob飾演霸氣富豪徐富貴，對着劉佩玥（Moon）飾演的娛樂記者李靜兒時展現鐵漢柔情一面，對感情認真，為人又有義氣。他坦言︰「同Moon好似情人知己呀，當係咁多狗血劇情以外嘅甜品。」他主動要求為角色加上「擔雪茄」動作，增添豪氣感。對於被稱為《美麗戰場》「最好睇CP」，阿Bob對Moon讚不絕口，「我拍劇對咗Moon三個月，呢個女仔除咗好識得關心人，又會勤力熟讀劇本，兼會主動搵導演溝通。呢幾年我見證佢慢慢成長，係比較難得嘅女演員，希望佢喺台慶頒獎禮得到認同。」

{{hket:inline-image name="36_600.jpeg"}}{{/hket:inline-image}}

憶起拍劇經歷，阿Bob說︰「之前拍《食為奴》、《老表》系列，多數都係扮鬼扮馬，但今次完全唔同，係好認真嘅角色，畀觀眾知道阿Bob唔止做司儀，其實拍劇都OK，有耳目一新嘅感覺。（似乎難以改變司儀及搞笑形象？）以往監製多數搵我做搞笑人物，任何角色我都處理到，重申一次，我係一個演員囉！」

入行近20年，阿Bob在電視台有心願未了，「我過往拍港產片、網絡電影，係做嘅男主角，劇集就未試過，未來希望有朝一日做到；好似以前目標係做台慶、港姐嘅司儀，最後都成功咗，劇集男主角係我to-do list！」

阿Bob在事業、家庭皆成功，亦是圈中「金牌媒人」，先後為張秀文、朱慧敏找到如意郎君。他近十年撮合了近十對情侶。「近年我身邊嘅男男女女，好多唔同界別，介紹嘅人都係自己嘅朋友。我由中學開始已經鍾意搞呢啲嘢（做媒），當然有唔少失敗嘅例子。」笑言目前會盡力幫助視后胡定欣「脫單」，「我同定欣好熟，佢係一個好好嘅女仔，性格獨立又有賺錢能力，唔使男人養，我相信一定搵到適合佢嘅伴侶！」

但是，提到現年42歲的方力申（小方），阿Bob卻「扯白旗」投降，「我曾經...想介紹女仔畀小方，結過婚嘅女仔佢唔考慮，食餐飯都唔肯。我心諗人哋27、28歲都唔介意你係叔叔啦...小方真係好多要求...唉...」小方是圈中筍盤，他仍是忍不住炮轟老友，「佢太多要求！唔知想識啲咩女仔，我放棄佢嘞！講完。」

{{hket:inline-image name="fong.png"}}{{/hket:inline-image}}

問到是否考慮開辦婚姻介紹所？他旋即耍手擰頭，「我搞好多生意都唔使親自處理，好似網購、便利店，主要請人幫手；但婚介唔可以搵人搞，怕到時出現麻煩事，例如遇到老千，我就要孭飛。」

{{hket:inline-image name="MAL07399.jpg"}}{{/hket:inline-image}}

美麗戰場｜林盛斌兇神惡煞為溝女變暖男？ 富豪為記者妹神暈顛倒 獲讚好戲【下一頁】

圖片來源：IG圖片、《晴報》圖片

場地︰Chessman HK

撰文︰ 梁紹明

攝影︰Alma